Federaziun da las Ludotecas Svizras
La Federaziun da las Ludotecas Svizras (FLS) è l'uniun tetgala da las ludotecas independentas da tut las regiuns da la Svizra. La FLS cumpiglia radund 350 ludotecas independentas en l’entira Svizra ed il Principadi dal Liechtenstein.
Las finamiras da la FLS
- stabilir l'interdependenza tranter las regiuns, lur ludotecas e lur president(a)s
- crear ina rait che cumpiglia era las ludotecas a l'exteriur
- crear ina rait dad organisaziuns che promovan il giugar, ils uffants, la furmaziun, e.u.v.
- promover il gieu
- far pli enconuschent las ludotecas
- sustegnair las singulas ludotecas en connex cun la scolaziun, la lavur publica, la cussegliaziun e l'infurmaziun
Secretariat
Dapi l'entschatta dal 2008 exista in secretariat a Turitg.