Fundar ina ludoteca
La fundaziun d'ina ludoteca è in project pretensius che basegna ina planisaziun conscienziusa. L'Associaziun svizra da las ludotecas porscha gugent agid.
Il „Curs d'introducziun per ludotecas novas" dura in di. El vegn purschì tenor basegn e dat invista en l'organisaziun ed il manaschi d'ina ludoteca. Infurmaziuns ed annunzias tar la cumissiun da scolaziun .
Sclerir il basegn
Exista en nossa vischnanca/regiun in basegn per ina ludoteca? Nua sa chatta la proxima ludoteca? Tge diever spetgain nus? Eruir il dumber da la populaziun da la regiun.
Elavurar in concept
Il concept stuess tractar ils suandants puncts:
finamira ed intent, purtaders, localitad, finanzas, organigram, public en mira, manaschi
Da resguardar per la realisaziun:
Localitad
- Grondezza minimala da 60 - 80 m2 ideal fiss 160 m2
- Lieu central facilmain accessibel.
- Pussaivladad da vegnir per persunas en sutga da rodas
- Fanestras che laschan entrar il clar
- Pussaivladad da parcar
- La localitad stuess star a disposiziun per in pretsch favuraivel ni gratuit
Dumber da gieus
- a l'avertura per ina populaziun da 3'000 - 5'000 persunas almain 500 gieus
Temps d'avertura
- La ludoteca stuess esser averta almain trais giadas per emna il meglier mintgadi
Finanzas
- Per fundar ina ludoteca almain CHF 40'000.00
Finanziaziun
In giavisch fiss ina contribuziun periodica da vart dal maun public. Il manaschi d'ina ludoteca n'è betg simpel senza subvenziuns. Sco instituziun socioculturala sto la ludoteca guardar da tegnair ils custs d'emprest il pli bass pussaivel.
Ludotecas stuessan avair las medemas cundiziuns sco las bibliotecas areguard l'infrastructura e l'indemnisaziun dal persunal. Differentas instituziuns concedan ina summa per l'avertura. Talas contribuziuns èn però per la gronda part unicas.